साथीन्यूज संवाददाता
पोखरामा बिहीबार दुई पुरुष मृत अवस्थामा फेला परेका छन् ।
गण्डकी प्रदेश प्रहरी कार्यालय पोखराका अनुसार पोखराका २ छुट्टाछुट्टै स्थानमा २८ वर्षीय युवक र ५५ वर्षीय पुरुष मृत फेला परेका हुन् ।
पोखरा(२४ कास्कीकोट स्थित वडा कार्यालय अगाडी रहेको पोखरीमा पोखरा २८ का २८ वर्षीय विश्वरञ्जन तिमिल्सिना तैरिरहेको अवस्थामा मृत फेला परेको गण्डकी प्रदेश प्रहरी कार्यालय पोखराका प्रहरी उपरीक्षक विनोद सिलवालले जानकारी दिनुभयो ।
त्यसै गरी पोखरा – १३ आर्वा अमलचौर स्थित सडक छेउमा स्थानीय ५५ वर्षीय दधिराम परियार मृत अवस्थामा फेला परेको सिलवालले बताउनुभयो ।
दुवै घटनाको विषयमा अनुसन्धान भइरहेको प्रहरीले जनाएको छ ।
