मुलुकभर चुनाबी सगर्मी बढिरहँदा गोरखाको गण्डकी गाउँपालिकाको टोलटोलमा चुनाबी चर्चा बढेको छ । करिब २३ हजार बढि जनसंख्या रहेको पालिकामा १८ हजार ५ सय मतदाता रहेका छन् ।
बैशाख ३० गते हुने स्थानीय तह निर्वाचनको दिन आउन अब एक हप्ता मात्रै बाँकी छ । गाउँपालिकाको अध्यक्ष पदका उम्मेद्वार नेकपा ९माओवादी केन्द्र० बाट दिपक तिमिल्सिना ‘साकार’ बलियो दाबेदार हुन् । उनीसँग कडा प्रतिस्पर्धामा यस अघि पालिका अध्यक्षसमेत रहेका नेपाली कांग्रेसका तर्फबाट होम बहादुर मगर चुनावी प्रतिस्पर्धामा छन् ।
राजनीतिक पार्टीका गठबन्धनको नियम गण्डकी गाउँपालिकामा लागू भएन । यस अघि ५ वर्षका लागि पालिकाको विकास गर्न मौका पाएका कांग्रेसका उम्मेद्वार मगरले सुशासन, समानुपातिक विकासगरी नमुना गाउँ बनाउन नसक्नु नै उनका लागि चुनौति बनेको स्थानियको मत छ ।
माओबादीका उम्मेद्वार साकार अहिले चुनावी भेटघाटमा व्यस्त छन् । गोरखामा एक निष्ठावान्, स्पष्ट र खरो स्वभावका माओबादी नेता साकार जनयुद्धको पृष्ठभूमिबाट आएका नेता हुन् । अहिलेसम्म स्वच्छ छबि बनाएका नेता साकार समाजमा र पार्टी भित्र पनि इमानन्दार नेताका रुपमा चिनिन्छन् ।
यति बेला जनताको घरदैलोमा भोट माग्दै हिडिरहेका साकार पालिकाको सबै क्षेत्रलाई नमुना गाउँ बनाउने सपना राखेको बताउँछन् । एक छोटो कुराकानीमा उनले कुरा हैन काम गरेर देखाउन चाहेको बताए । सुशासन, पूर्वाधार विकास, गरिबी निवारण आफ्नो मूख्य योजना रहेको बताए । यस्तै शिक्षा, स्वास्थ्य मौलिक हक अधिकार सुनिश्चित गर्नु आफ्नो कर्तव्य रहेको अध्यक्षका उम्मेद्वार साकारले बताए ।
गाउँको समस्यालाई नजिकबाट बुझेका राजनीतिक भिजन बोकेका साकार गण्डकी पालिकाबासीको आशाको केन्द्र समेत भएको स्थानिय बुद्धिजिबीहरु बताउँछन् । जनताले जिताएपछि आफ्नो प्रतिबद्धतामा इमान्दारका साथ सेवामा लाग्ने उनले बताए । उनले भने, ‘जनताको प्रतिक्रियाबाट उत्साहित छु मेरो जित निश्चित छ । बोलेर होइन काम गरेर देखाउँछु ।’
साकारले ११३ बुँदामा आफुले गर्ने कामहरुको योजनाहरु पनि सार्वजनिक गरेका छन् ।
उनले समावेशीता र उत्कृष्टताको सिद्धान्तलाई लागु गर्ने, समृद्ध गण्डकी गाउँपालिका, सांस्कृतिक तथा कृषि पर्यटन, उद्योग, एक गाउँ एक उत्पादन, निशुल्क स्वास्थ बिमा, पशु बिमा, प्राविधिक शिक्षालय, युवा स्वरोजगार, पालिका केन्द्रको सुगमता जस्ता कार्यक्रम अघि सारेका छन् ।
गण्डकी गाउँपालिकालाई नमुना पालिका बनाउन आफु प्रतिबद्ध रहेको उनले बताए ।
गण्डकी गाउँपालिकाले सहि नेतृत्व नपाउदा धेरै पछि परेको उनले स्वीकारे । जसको नीति उसको नेतृत्व भएमात्र गाउँपालिकाको मुहार फेरिन सक्ने नेता साकारको तर्क छ ।
