साथीन्यूज
हुम्ला । कर्णाली करिडोर निर्माणका लागि हुम्लाको खार्पुनाथ गाउँपालिका–१ को लालिबगरमा खटिएका एक सैनिकको भिरबाट लडेर मृत्यु भएको छ ।
नेपाली सेनाको विकास कार्यदलमा कार्यरत सुर्खेत घर भएका प्राविधिक टीकाराम लामिछानेको मृत्यु भएको हो ।
बिहीबार कर्णाली करिडोर निर्माणका क्रममा भिर छिचोल्नका लागि बम विस्फोट गराउने मेसिन जाँच गर्न जाँदा लामिछाने चिप्लिएर भिरबाट झन्डै एक सय मिटर तल खसेका थिए ।
भिरबाट लडेर अर्का एक जना घाइते भएका छन् । सँगै रहेका हरिराम विष्टलाई बचाउन खोज्दा लामिछानेको मृत्यु भएको पहरीको भनाइ छ । लामिछानेको शव हेलिकप्टरमार्फत बिहीबार नै सुर्खेत लगिएको छ ।
टाउकोमा चोट लागेर घाइते भएका विष्टको नेपालगञ्जमा रहेको सैनिक अस्पतालमा उपचार भइरहेको बताइएको छ ।
