पोखरा, ७ फागुन ।
कास्कीको रुपा गाउँपालिकाले विविध कार्यक्रम गरी स्थापना दिवस मनाउने भएको छ । आगामी फागुन २४ गतेदेखि २७ गतेसम्म स्थापना दिवस मनाउने तयारी गरिएको रुपा गाउँ पालिकाका अध्यक्ष नवराज ओझाले पोखरामा आयोेजित पत्रकार सम्मेलनमा जानकारी दिए ।
दिवसको अवसरमा २०७५ सालदेखि निरन्तर गर्दै आएको अध्यक्ष कप ( वडा स्तरीय पुरुष) भलिबललाई यस वर्ष पनि निरन्तरता दिइएको छ । गाउँ पालिका भित्र बसोबास गर्ने विभिन्न जातजाति र समुदायहरुको भाषा, धर्म, संस्कृति संरक्षण र सम्वद्र्धन गर्न झाँकी प्रदर्शन प्रतियोगिता हुने अध्यक्ष ओझाले बताए ।
दिवसका अवसरमा जैविक विविधता सम्बन्धी कृषि प्रदर्शनी, सास्कृतिक झाँकी प्रदर्शन, किसानलाई प्रोत्साहन गर्न कृषि पेशामा उत्कृष्ट रहेका किसानहरुलाई नगद ५ हजारसहित सम्मान गरिने छ ।
पालिकाको विकास र समृद्धिमा सहयोग पु¥याउने सामाजिक व्यक्तित्व, विद्यावारिधि, एमडी, गरेका विभिन्न व्यक्तिहरुदलाई रुपा रत्नबाट सम्मान गर्दै आएकोमा यस वर्षपनि निरन्तरता दिइएको छ ।
पूर्वाधारको विकासको साथ साथै कृषि र पशुपालनलाई प्राथमिकतामा राखेर दीर्घकालीन स्वरोजगारका योजना तथा कार्यक्रम रुपाले गर्दै आएको छ
