साथीन्यूज संवाददाता
बजारमा रहेका अक्सिजन सिलिन्डर संकलन गरेर कास्की प्रहरीले अक्सिजन उत्पादक कम्पनीलाई उपलब्ध गराएको छ । जिल्ला प्रहरी कार्यालय कार्यालय कास्कीले शनिबार अक्सिजन उत्पादक कम्पनीलाई १ सय ८७ अक्सिजन सिलिन्डर हस्तान्तरण गरेको हो ।
मेटल कम्पनी, वर्कसप, इन्जिनियरिङ वर्कसप, मोटर ग्यारेज, ग्यास वेल्डिङसँग रहेका सिलिन्डर संकलन गरेर २ कम्पनीलाई दिइएको हो ।
कालिगण्डकी अक्सिजन प्रालि र पोखरा अक्सिजन प्रालिलाई खाली अक्सिजन सिलिन्डर दिइएको हो । गण्डकी प्रदेशमा यी २ कम्पनीबाट अक्सिजन उत्पादन हुँदै आएको छ ।
पछि फिर्ता गर्ने सर्तमा संकलन गरेर सहयोग गरिएको कास्की प्रहरी प्रवक्ता डिएसपी सुवास हमालले जानकारी दिए । ‘अस्पतालमा अक्सिजन सिलिन्डर अभाव नहोस् भनेर सहयोग गरेका छौं,’ हमालले भने ।
