साथीन्यूज
काठमाडौं । देशभर पछिल्लो २४ घण्टामा थप ४०३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले सार्वजनिक गरेको विवरण अनुसार यससँगै कूल संक्रमितको संख्या २ लाख ६२ हजार २६२ पुगेको छ ।
हालसम्म भएका संक्रमितमध्ये २ लाख ५५ हजार ८८ जना निको भइसकेका छन् । पछिल्लो २४ घण्टामा ५९४ जना निको भएका मन्त्रालयले जनाएको छ ।
हाल देशभर सक्रिय संक्रमितको संख्या ५ हजार २८९ रहेका मन्त्रालयले जनाएको छ ।
मन्त्रालयका अनुसार कोरोनाले थप ७ जनाको मृत्यु भएको छ । यससँगै मृत्यु हुनेको संख्या १ हजार ८८५ पुगेको मन्त्रालयले जनाएको छ ।
