पोखरा, १६ असार/ प्रधानमन्त्री पुष्पकमल दाहाल ’प्रचण्ड’ले भ्रष्टाचारविरूद्ध अनुसन्धानको कार्यले थप तीब्रता दिने बताए । शनिबार प्रेस सेन्टर गण्डकीले आयोजना गरेको पत्रकार सम्मेलनमा प्रधानमन्त्री दाहालले भ्रष्टाचार देशको बिकराल समस्या भएको भन्दै त्यसको अन्त्य गर्नु पर्ने बताए ।
उनले नक्कली भुटानी शरणार्थी प्रकरण होस् वा ललिता निवास प्रकरण होस्, यसमा सरकार दृढताका साथ अगाडि बढेको बताए । प्रधानमन्त्री दाहालले अर्थतन्त्र धरासायी नै हुन्छ कि भन्ने अवस्थाबाट अर्थतन्त्र बिस्तारै लयमा फर्किएको बताए । त्यसै गरी अर्को प्रशंगमा भारत भ्रमण ऐतिहासक भएको भन्दै छिटै अर्को मित्र राष्ट्र चीनका भ्रमण गर्न बताए ।
भारत भ्रमणका क्रममा पारवाहन सन्धि पुनरावलोकन महत्वपूर्ण निर्णय भएको बताए । उनले १० वर्षमा १० हजार मेगावाट बिजुली निर्यात गर्ने समझदारी सामान्य नभएको बताए । चीन भ्रमणका क्रममा पनि महत्वपुर्ण सम्झौता हुने बताए ।
प्रधानमन्त्री दाहाललले देश र जनताको हितमा राम्राकामहरु भएका भन्दै सत्ता गठबन्धन सरकार पाँच वर्ष चल्ने बताए । उनले समझदारीका साथ चलेका कारण कसैले हिलाएर नहल्लीने बताए । प्रधानमन्त्री दाहालले एयररूटका लागि भारतसँग कुरा गरेको र छिट्टै त्यो निष्कर्षमा पुग्ने विश्वस गरे । प्रहरीलाई सरकार तर्फबाट अनुसन्धान अगाडी बढाउन निर्देशन दिएको बताए ।
