साथीन्यूज
प्रधानमन्त्री शेरबहादुर देउवाले आज आफ्ना भारतीय समकक्षी नरेन्द्र दामोदरदास मोदीसँग भेटवार्ता गर्दै छन् ।
भारतको औपचारिक भ्रमणमा रहेका प्रधानमन्त्री देउवाले हैदरावाद हाउसमा समकक्षी मोदीसँग भेटवार्ता गर्न लागेका हुन् । भेटपछि प्रतिनिधिमण्डलस्तरीय वार्ता हुनेछ भने मोदीले आफ्ना समकक्षीको सम्मानमा दिवाभोजको आयोजना गर्ने कार्यक्रम पनि रहेको छ ।
प्रधानमन्त्री देउवाले भारतीय समकक्षी मोदीसँग हुने भेटवार्ता उपलब्धिमूलक हुने आशा व्यक्तसमेत गरिसकेका छन् । शुक्रबार भारतस्थित नेपाली दूतावासमा आयोजित रात्री भोजमा सम्बोधन गर्दै प्रधानमन्त्री देउवाले शनिबार भारतीय प्रधानमन्त्री मोदीसँग हुने भेटवार्ता उपलब्धिमूलक हुने आशा व्यक्त गरेका हुन् ।
