नेपाली कांग्रेसका आमन्त्रित केन्द्रिय सदस्य तथा संघिय सांसद सूर्यबहादुर केसीको ६३ वर्षको उमेरमा निधन भएको छ । सोमबार राती करिव ११ बजेतिर उनको निधन भएको हो ।केही समयदेखि सुगर र प्रेसरले उनी विरामी थिए । बिरामी परेपछि घर नजिकको एक अस्पतालमा उपचारार्थ लगिएको भएपनि उपचार शुरु गर्दा गर्दै उनी बेहोस भएको र त्यसपछि डाक्टरकै निगरानीमा घरमा लगिएको भएपनि उनको होस आउन सकेन । त्यसपछि उनलाई डाक्टरले मृत घोषणा गरेका थिए । सुगर डाउन भएर केसीको निधन भएको परिवारका सदस्यको अनुमान छ । ३ बर्षअघि संघिय संसदको चुनावताका उनी नेपाली कांग्रेसमा प्रबेश गरेका हुन् । केसीले त्यसअगाडी राष्ट्रिय प्रजातन्त्र पार्टिमा लामो समय राजनीति गरेका थिए । त्यस समयमा उनि राप्रपाको केन्द्रीय कोषाध्यक्ष र संविधान सभामा सदस्य पनि बनेका थिए । युवावस्थामा तत्कालीन पोखरा नगर पंचायतको प्रधानपंच समेत रहेर काम गरेका केसी सफल उधोगी मानिन्छन । उनको लगानी हाईड्रोपावर , बैंकिंग, चाउचाउ एवं फुड्स , र मिडिया लगायतका क्षेत्रमा छ । (यस दुखद घडीमा ब्रह्मलीन आत्माको चीर शान्तिको कामना गर्दै शोक सन्तप्त परिवारजन भाउज्यु र छोराहरु ( प्रकाश , किरण र रोशन ) सहित सबैमा धैर्य धारण गर्ने शक्ति प्राप्त होस भनि हार्दिक समवेदना प्रकट गर्दछु ।