१२ चैत्र, पोखरा ।
चीनको छेन्दु–पोखरा चार्टर उडानलाई नियमित गर्न सम्बन्ध सरोकारवालाले पोखरामा छलफल थालेका छन् ।
सिचुवान एयरलाईन्सको चार्टर उडानको चीनिया प्रतिनिधिको नेतृत्व पोखरामा आएर उडानलाई नियमित गर्ने प्रयासमा लागेको छ । पोखराका व्यवसायी पनि उडानलाई नियमित गर्नका लागि आवश्यक रणनीति बनाउन छलफलमा जुटेका हुन् ।
चीनिया ट्राभल सर्भिस इन्टरनेशनल चेङ्दु ट्राभल सर्भिस कम्पनी लिमिटेडका महाप्रबन्धक यान जुनसहितको टोली पोखरामा छ ।
यान जुनको टोलीले गण्डकी सरकार, पोखरा महानगरपालिका, पर्यटनसंग सम्बद्ध संघसंस्था संग छुट्टा छुट्टै छलफल गरेको हो । टे«किङ एजेन्सी एशोसिएसन अफ नेपाल (टान) गण्डकीको नेतृत्वसंग छलफल भएको छलफलमा उडानलाई निरन्तरता दिनेमा आवश्यक पहल गर्न दुइ पक्ष सहमत भएका छन् ।
टान गण्डकीका अध्यक्ष कृष्ण आचार्यले उडान नियमीत गर्न सबैको पहल आवश्यक रहेको बताए ।
पोखरा चार्टर उडानको नेतृत्व गरेका यान जुनले यहाँको सरकार र पर्यटन व्यवसायीको उत्साहले उडान नियमित हुनेमा विश्वाश व्यक्त गरे । उनले दुइ देशविचको सम्बन्धलाई यसले थप प्रगाड बनाउनुको साथै पर्यटन प्रवद्र्धनमा टेवा पुग्ने भनाई राखेका थिए ।
चैत्र ५ गतेबाट चीनको छेन्दु–पोखरा चार्टर उडान सुरु भएको थियो । यस्तै चैत्र ११ गते दोस्रो र १९ गते तेस्रो उडानको तालिका सार्वजनिक भइसकेको छ ।
त्यस पछि पनि कम्तीमा सातामा एक उडान नियमित गर्नका लागि आवश्यक पहल गरिरहेका छन् ।
निर्माण सम्पन्न भएको दुइ वर्षमा पनि अन्तराष्ट्रिय उडान नियमीत हुन नसकेको अवस्थामा चीनबाट सिधै पोखरा उडान भर्नका लागि प्रयास भइरहेका छन् ।
चीनिया टोलीले आज नै होटल संघ पोखरा, उद्योग वाणिज्य संघहरु लगायतका संस्था संग छलफल गरेको थियो ।
