अनलाइन ठगीमा परेकी सुमिना रसाइलीले इन्स्टाग्राममा सपिङ गर्ने पेज देखेपछि सामान किनेकी थिइन । उनले सामान अर्डर गरेपछि डेलिभर हुनु अगावै अनलाइन पे गर्नुभएपछि रकम दिएकी थिइन् । तर, सामान आएन सामान नआएपछि पसल खोज्दै पोखराको महेन्द्रपुलस्थित पराजुली मार्गमा पुगिन पसल थिएन ।

गत शुक्रबार ५–६ बजे सामान नआएपछि उनी ठगीको भन्ने थाहा पाएकी हुन् । यो उदाहरणमात्र हो । पछिल्लो समय कास्कीमा यस्ता अनलाइन ठगीका घटना धेरै हुन थालेका छन् । जिल्ला प्रहरी कार्यालयको अनुसार चालु आर्थिक वर्षमा कास्कीमा पाँच सय ८७ अनलाइन ठगीका घटना घटेका छन् ।

‘इन्स्टाग्रामै क्लोथ (कपडा) स्टोर रहेछ । क्लोथ स्टोर २.० । त्यहाँ नम्बरपनि थियो ह्वाट्स एपको मैले ह्वाट्सएपमा मेसेज गरे उहाँहरुले सबै सोध्नुभयो कपडाको साइज देखी सबै । डेलिभरि भएपछि सामान लिनु अघि नै पे गर्नुपर्ने भनेपछि । सामान पाँच ६ बजे आउछ भनेपछि कुर्यौ तर, समयमा आएन’ सुमिनाले भनिन्, ‘ फोन पनि लागेन । ह्वाट्सएपमा अनलाइन देखिन्छ नम्बरमा फोन गर्दा लाग्दैन ।’

उनले कुर्था अर्डर गरेकी थिइन् । मुल्य पनि निकै राम्रो भएकाले अर्डर गरेकी थिइन् । शुक्रबार भएकाले उनीहरुले शनिबारसम्म कुरे त्यसपछि पसल हेर्न पुग्दा पसल नदेखेको उनले सुनाइन् । एक हजार आठ सय ५० रुपैयाँ तिरेकी थिइन् ।

अनलाइन सपिङ व्यवसाय नै भएपनि ठगी गर्ने भएको । वास्तविक अनलाइन सपमा पसलकै फोटो, आफ्नै फोटोहरु समेत हालेर काम गर्ने गरेको सुनाइन् ।जिल्ला प्रहरी कार्यालय कास्कीका प्रमुख एसपी मोहन कुमार थापाले दिनमै पाँच÷सात जना अनलाइन ठगीको उजुरी दिन आउने गरेको बताए ।

एक वर्षमा सात करोड ६१ लाख बराबर रकम ठगी हुँदा प्रहरीले १ करोड ३७ लाख रुपैयाँ मात्र रिकभर गरेको छ । ‘अनलाइन ठगीम मुख्य व्यक्ति पक्राउ गर्न एकदमै मुस्किल छ । आफ्नो परिचय लुकाएको हुन्छ, खाता पनि सकभर अर्कैको हुन्छ’ उनले भने, ‘यहाँ पिडितकै प्रयोग समेत हुन्छ ।

पिडितकै खाताको प्रयोग हुने गरेको छ । ओटीटीपी कोड मागेर खाता ह्याक गरेको पनि पाउछौं ।’ एसपी थापाले अनलाइनसँगै हुन्डीको कारोबारमा समेत बढी ठगी गरेको भेटिएको छ । अनलाइन ठगीबाट जोगिनुको मुख्य उपाय भनेको प्रलोभनमा नपर्नु रहेको उनले बताए ।